تعارف شعبہ دارالقرآن
شعبہ حفظ و ناظرہ جامعہ کا بنیادی اور اہم ترین شعبہ ہےجس کا قیام دارالعلوم کے قیام کے ساتھ ہی ہوگیا تھا اور یہ شعبہ بانی جامعہ مفتی اعظم بھی اس شعبہ کی طرف خصوصی توجہ فرمائی اور دارالقرآن کی پانچ جہتی ، جاذب نظر، خوبصورت عمارت کی بنیاد رکھی جو کشادہ درسگاہوں ، روشن اور ہوا دار صاف ستھری راہداریوں پر مشتمل تمام تر ضروری سہولیات سے آراستہ ہے۔ نیز اب یہ شعبہ جامعہ کے موجودہ صدر شیخ الاسلام حضرت مولانا مفتی تقی عثمانی صاحب مد ظلہم العالیہ کے زیرِ سایہ اپنی ترقی کے سفر پر گامزن ہے۔ الحمدللہ
شعبہ دارلقرآن میں اس وقت حفظ، ناظرہ اور عصری علوم کے (۴۶) اساتذہ کرام، (۶) تجربہ کار مجوزین، اور ایک نگران اساتذہ کرام، (5) خدام اور تقریباً (۱2۰۰) طلباء کی تعلیمی و تربیتی و انتظامی خدمات میں شب و روز مصروف عمل ہیں۔
شرائطِ داخلہ
- رجسٹریشن کے وقت بچے کی عمر 6 تا 9 سال ہونی چاہئے نیز داخلہ صرف قاعدے اور ناظرے میں ہوگا۔
- درخواستِ داخلہ کے ساتھ نادرا کا ”ب“ فارم، حالیہ دوعدد تصاویر اور سرپرست کا شناختی کارڈ کی کاپی ضرور منسلک کریں ورنہ فارم منسوخ ہوجائے گا۔
- یہ داخلہ تکمیل حفظ القرآن الکریم تک کے لئے ہے، اس لئے 6 سال کی عمر طالب علم کا ، سمجھنے ، سیکھنے بالخصوص ذہنی سطح و یادداشت جیسی صلاحیتوں کا جائزہ ہوگا اور 6 سال سے زائد عمر کا سابقہ تعلیم کا جائزہ ہوگا۔
- داخلہ کے خواہشمند طلباء جائزے میں کامیابی کے بعد بشرط گنجائش داخلہ کے مستحق ہوں گے۔
- رجسٹریشن کی فیس مبلغ 200 روپے ہے جو نا قابل واپسی ہوگی۔
- داخلہ فیس -/1000روپے ہوگی ۔
- درجہ ناظرہ و حفظ میں داخلہ غیر رہائشی ہوگا۔
تعارف شعبہ مکاتب قرآنیہ
شعبہ دارالقرآن جامعہ دارالعلوم کراچی کے تحت الحمدللہ ایک ذیلی شعبہ مکاتبِ قرآنیہ کا بھی ہے جس کے زیرِ نگرانی کراچی شہر کے مختلف علاقوں میں قرآن کریم کے حفظ و ناظرہ اور ابتدائی دینی تعلیم کے معیاری مکاتب کام کر رہے ہیں، جن کی مجموعی تعداد اس وقت چونتیس (۳۴) ہے، زیرِ تعلیم بچوں اور بچیوں کی تعداد تقریباً ساڑھے سات ہزار (۷۵۰۰) جب کہ ان میں خدمت انجام دینے والے اساتذہ و معلّمات کی تعداد اس وقت (۲۶۷) ہے۔
شعبہ دارالقرآن ان مکاتب کی مکمل سرپرستی، تعلیمی نگرانی کا نظم حسبِ ضرورت اساتذہ کی فراہمی اور وقتاً فوقتاً ان اساتذہ کی تربیت کا اہتمام کرتا ہے، نیز سالانہ امتحانات میں نمایاں کامیابی حاصل کرنے والے بچوں کو جامعہ دارالعلوم کراچی کی طرف سے انعامات بھی دیئے جاتے ہیں۔ یہ مکاتب قرآنیہ شہر کے طول و عرض میں اس وقت قرآن مجید کی قابل قدر خدمات انجام دے رہے ہیں اور ان مکاتب میں طلباء و طالبات کی تعداد میں روز بروز اضافہ ہورہا ہے۔
حالیہ تبصرے