شعبۂ حِفظ قرآن کریم

قرآن کریم دین اسلام کی اساس ہے۔ جامعہ دارالعلوم کراچی میں قرآن مجید ناظرہ اور حفظ کی تعلیم کا اعلیٰ پیمانے پر انتظام کیا گیاہے بلکہ شہر کے مختلف علاقوں میں بھی دارالعلوم کی طرف سے تقریباً ستائیس مکاتبِ قرآنیہ قائم کئے گئے ہیں۔ جن کی دیکھ بھال، سرپرستی اور متعدد مکاتب میں مدرسین کے مشاہرہ وغیرہ کا انتظام بھی دارالعلوم کی طرف سے کیا جاتاہے۔
ان مکاتب میں تعلیم قرآن حاصل کرنے والے مسلمان بچے، بچیوں کی تعداد الحمدللہ تقریباً چارہزار ہے اور ان میں تقریباً ایک سو بیس اساتذہ خدمات انجام دے رہے ہیں۔